وبلىس تۇرعىندارىنا بەرگەن ەسەبىندە ايماق باسشىسى قۇمار اقساقالوۆ وسى ماسەلەگە ەرەكشە توقتالىپ, ايىرتاۋ اۋدانىنداعى «شالقار سۋ» ءساناتوريىن سىنعا الدى.
«كەزىندە جانعا جايلىلىق سىيلاعان ءساناتوريدىڭ بۇگىنگى جايى جارىلىستان كەيىن سياقتى», دەدى ول.
شالقار-يمانتاۋ كۋرورتتى ايماعى رەسپۋبليكالىق ماڭىزداعى ون ۇزدىك جوبا قاتارىنا ەنگەندىكتەن, ەندى اتالمىش ءساناتوريدى ينۆەستور قالپىنا كەلتىرمەك.بۇل ماقساتقا باستاپقى كەزەڭدە ءبىر ميلليارد تەڭگە باعىتتالاتىن بولادى. ياعني اۋقىمدى جوبا ينجەنەرلىك جانە اۆتكولىك ينفراقۇرىلىمدارىن سالۋ, دەمالىس ايماعىن اباتتاندىرۋ, ماركەتينگ, جارنامالاردى تولىقتىۋ سياقتى مىندەتتەردى جۇزەگە اسىرادى.
ق. اقساقالوۆ ءوز سوزىندە ەلباسى ىشكى جانە سىرتقى ءتۋريزمدى وركەندەتۋگە باسا كوڭىل ءبولىپ وتىرعانىن, بۇل ورايدا شالقار كولىنىڭ الەۋەتى زور ەكەنىن جەتكىزدى. شاعىن جانە ورتا بيزنەس وكىلدەرىنە تۋريزم نىساندارىن تۇرعىزۋ ءۇشىن بارىنشا كومەك كورسەتىلەدى. بىلتىر بۇل باعىتتا 150 شاقىرىم جول جوندەلىپ, ينفراقۇرىلىمداردى جاڭارتۋعا 3,2 ميلليارد تەگە جۇمسالعان. بۇدان بىلاي شەتەلدىك تۋريستەر دە شالقار, يمانتاۋ, بوتاي سىندى تاريحي جەرلەرمەن ەركىن تانىسا الادى. قىزىقتاۋشىلاردىڭ سانى ەكى ەسەگە كوبەيۋى وسىنى اڭعارتادى. 2 مىڭنان استام ءمولدىر كولى, 700 مىڭ گەكتاردان استام ورمانى بار وڭىردە ەكوتۋريزمدى دامىتۋعا دا باسا كوڭىل بولىنگەن.
تۋريزم سالاسىن جۇيەلى دامىتۋ ءۇشىن مادەنيەت جانە سپورت مينيسترلىگىمەن بىرلەسىپ 2025 جىلعا دەيىن ارالىقتى قامتيتىن مەملەكەتتىك باعدارلاما جاسالعان.
ءومىر ەسقالي,
«ەگەمەن قازاقستان»
سولتۇستىك قازاقستان وبلىسى
